唱作人GooChan被揭背拍拖7年KOL女友出軌！竟第一時間保護第三者：我唔想你地嚇親佢

By Sandy on 21 Apr 2025

Digital Editor

曾為MC張天賦、馮允謙及洪嘉豪等歌手作曲、編曲的音樂人GooChan（陳澤鴻），近日被爆出他背著拍拖7年KOL女友芷希偷食18歲妹豬，網上更流傳相關的錄音、影片，男方出軌18歲妹豬被斷正時，竟然第一時間保護第三者，芷希更是崩潰大叫「你做乜瞓咗我個位呀」！事件被揭發後，GooChan在IG發文承認偷食兼道歉，並表示會無限期退出幕前工作，不過就將留言功能關掉。

GooChan被爆偷食18歲妹豬

昨日（20日）有網友在Threads以「香港著名獨立歌手/作曲人渣GooChan陳澤鴻背七年女友出軌 偷食十八歲妹豬被捉姦流出」為題出post，甚至附上一段錄音、照片及影片。從錄音中，可以聽出芷希由友人的陪同下去到GooChan家中捉姦，然後斷正男友出軌偷食場面，疑似是芷希向第三者大罵：「我平時瞓主人房，瞓入面㗎，你做乜瞓咗我個位呀？」之後男聲說道：「喊無用㗎，真係報警㗎咋遲啲咁搞落去。」

被斷正竟維護第三者

然後芷希友人就向Goo Chan表示叫第三者出嚟，男方卻維護第三者：「我唔想你地嚇親佢呀。」之後一眾女聲語氣激動地表示：「嚇親佢？受保護動物呀？而家我都好嚇親喎！」其後GooChan疑似飲泣，而芷希再大罵：「嚇親佢？邊個嚇親我呀？！」

在流出的影片中，見到GooChan溫柔地敲房門對第三者說：「出嚟喇，唔洗（匿埋）喇，出嚟喇。」芷希此時就入房質問妹豬：「有無覺得對我唔住呀？」而妹豬就面無表情地走出來，不過卻有網友表示妹豬撞樣Tyson Yoshi。

GooChan承認偷食兼道歉

事件隨即引來不少網友討論，之後GooChan在IG發文承認偷食兼道歉「現在就網絡流傳有關本人的片段作正式回應，向芷希再次鄭重道歉，我辜負了你對我七年真誠的感情和陪伴。由我一無所有的時候開始，無論生活如何艱苦，都一直在身邊扶持著我。而我竟然不懂珍惜，親手斷送了你的幸福，對你造成了無法修補的傷害，對不起。」又表示自己將無限期退出幕前工作，往後不會再對此事作任何回應，亦承諾絕不會作出傷害別人的行為。

與KOL女友拍拖7年分手

事實上早在今年2月，芷希在IG宣布與拍拖7年的男友GooChan分開，她提到「接受呢段佔咗人生四份一有餘嘅感情要結束，並唔容易，事情發生得太突然，感恩以往嘅時光同回憶，可惜結局並唔係我所期盼咁，要接受嘅呢個過程唔容易甚至好痛苦」當時就曾有網友猜測男方偷食，但女方被背叛都沒有爆對方偷食。而且兩人在男方在尖沙咀busking時已開始拍拖，由男方一無所有時就支持佢追尋音樂夢。