始源指Anson Lo符合SM審美「偏向漂亮」，自爆聽過《Megahit》，姜濤大膽示愛「We love U」

由MIRROR成員姜濤、盧瀚霆（Anson Lo）、呂爵安（Edan）和李駿傑（Jeremy）組成的團綜《呂濤米Lo Seoul》，在日前播出的第四集中，竟有幸參觀韓國最大娛樂經紀公司SMTOWN，更有Super Junior成員始源擔任導遊，期間Edan更被始源選出是四子中最帥的一位，而Anson Lo和Jeremy則被指是SM的審美標準！

始源自爆聽過Anson Lo《Megahit》

當Super Junior成員始源現身時，四子即感到相當驚喜，他自爆曾看過Anson Lo的《MONEY》和《Megahit》，還做出《Megahit》的招牌動作。之後五人一同拍照留念，並齊齊對鏡頭做出「士多啤梨」的手勢，還將照片貼在簽名牆上，始源表示喜歡香港，姜濤更乘機向他直呼「We love you」。四子坦言沒想到節目組會請到SM大前輩，而Jeremy更說：「啱啱想直接同佢講，我返學時已經鍾意Super Junior，佢哋嘅《Sorry, Sorry》」。

認為Edan是四子中最帥的

被問到四子中哪一位最帥時，始源起初表示各人都很帥氣，之後笑言假如一定要選的話，則會選擇Edan，因為他喜歡典型、成熟。被選中的Edan立即站起來拍手，並開玩笑說：「新合約」，坦言：「問親四子邊個最靚仔，一定係講Edan！真係唔止一次半次」，並自稱是「顏值擔當」。始源又指當中姜濤和Edan比較英俊，是他喜歡的類型，而Jeremy和Anson Lo則是偏向SM的風格，偏向漂亮。

Jeremy忍不住眼泛淚光

曾參加過SM試鏡的Jeremy在鏡頭前忍不住眼泛淚光：「兜兜轉轉用咗第二個身份入到呢間公司，覺得人生原來真係需要一啲時間。記得嗰陣去SM，佢哋問我年齡個吓覺得夢想好似已經玩完，當時我18歲，對韓國練習生嚟講算係年紀大，宜家眼濕濕係感嘆世事無絕對，好多嘢肯努力同堅持，就會用第二個方式回報你」。

影片播出後，不少網民都表示相當驚喜，有人留言：「viutv今次做到啲好嘢」、「成件事真係好癲～」、「我第一下都大叫，唔係始源咁癲呀，點知真係」、「盧瀚霆個驚訝樣好可愛」等。

Text：Girls editorial

Photo Source：截圖@《呂濤米Lo Seoul》、IG@edan、IG@Anson lo、IG@Jeremy